Kini laging nag dako ta ug pinobre nga pagkaon karon nga nia na ako sa Sacramento nag pangita gyud ko sa akong naandan. Na agwanta ra man unta to pero karon nga buros ko pwerte gyud nakong pangita sa akong gidak-an nga pagkaon binisaya, utan.
Unang gi panamkonan, tortang talong. Dayon adobong sitaw. Karon nangita ug bulad pinikas. Naningkamot ko ug kalimot kay dili gyud ko gusto mo palit ug buwad kay ang akong bana nga kano mag suka unya sa baho. Hantod nga nag damgo intawon ko nga nag kaon ko ug bulad. Wala maka agwanta namerkado sa Seafood City. Nakakita hinoon ko ug bulad nga dangit! Ay nag palit ko ug duha ka putos dayon utan. Sitaw, talong, okra uy naa sab silay kalamungay! Pag ka nindot!
Kagabii nag bas-oy ko subakan ug bulad dangit. Dili noon perfect kay walay bitsin walay kamatis ug sibuyas. Pero pwede na! Unyang hapon mag palit ko ug bitsin, kamatis ug sibuyas ug mag luto na sab ug bas-oy.
Aguy bisayang dako gyud ni akong anak!
4 comments:
hahaha!!! nice one... lami gyud ang binisaya nga pagkaon... hay, bisag diri sa manila sa kay paliton ang kamunggay... sa atoa tawon kay manguha ra sa punoan sa silingan...
maayo ng bisdak pud imong anak kanang liwat gyud kaayo nimo ba... hahaha!!!!
hi mel!
balik ko ug visit sa imong blog. lingaw kaayo mobasa ug mga bisdak nga blog kay makarelate ko. hahaha!
kanang anak nimo, dili mabalibaran nga bisdak na siya.
ate! mabunag kog kinatawa dire. muna-muna gyud tawon diya nimog pugong sa buwad? namuot ko sa imo ingon nga imo bana magsuka sa baho. nabunag na kahumot ana!! hahaha. lagi maski akong banhonon nga tagalog di moangay sa baho ug sa lami sa pinikas labi na sa danggit! pero mas ngil-ad iyang ganahan, bulag nga tamban. na di ra ba jud ko ganahan ana nuon. ang danggit lami pero ang baho na morag...
hehe... lingaw ayo ko. imong anak bisaya nga slang. moingon dayon na sya 'mommy i want to eat bowad in red suwka dip'! hehe
na uy naulit ko. morag kog amaw motype nagkabali-bali man uy. mora man jud tuho kog gigitik dire. hehe.
Post a Comment