TANG: Kinsay Mag Dahum

Namalengke me sa akong bana unya nakakita ko ug Tang. Tang Orange Juice. Nakahinumdum hinoon ko sa akong pagkabata ug gi storyahan nako akong bana.

Kaniadto gagmay pa mi, duna koy Uncle ug Auntie nga nag puyo sa Dubai. Kugi kaayo mag padala ug dagko nga lata sa Tang, Chocolates, Shampoo or Sabon nga Dove. Kaming mga paryente malipay gyud pag makadawat pero in ani ang sitwasyon. Ang package mo abot didto sa sinaligan nga pag-umangkon dayon siya mag divide and distribute. Mostly ma kadawat man mi pero sa nagdako na ko na notice nako dili baya diay equal ang pag hatag ug usahay walay amo. Depende sab sa favorite sa akong igaw nga taga distribute.

Dili man gyud sab ko hilig ug imported or nice and expensive things pero of course malipay ka kung makadawat diba? Ang tang is the most controversial. Talagsa kaayo mi makadawat so wala gyud na ko manganduy. Hinoon mopalit mi sa ako Mama ug baratohon nga juice brand instead. Naanad mi atong baratohon nga juice brand, pareho sab sa dove nga sabon pero ganahan gyud unta ko ug dove.

Nag graduate ko, nag trabaho sa Japanese Company, tapos niadto sa Japan. Six years ko didto, nabuhong sa ako gusto. Ang ako ginikanan nag abroad sa Los Angeles so ang nabilin akong manghud. Pura sa imported supplies kaming tanan. Kinsay may mag dahum!

Ironic kaayo kay katong akong ig-agaw wala na man ma padalhi kay akong Uncle ug Auntie nibalhin man sa Australia, sa amo na sya mangayo ron. Dili ra ba gyud ko makalimot. Dili sab ko dalo.

Sa dugay na kung panahon nag puyo abroad karon nia na man gani ko sa Sacramento, California karon pa gyud nako mahinumduman ang feelings nako adtong panahona nga deprived me ug karon nga makapalit ko ug bisan pila ka tang or sabon nga dove ako gusto, karon pag kakita lang nako sa tang.

Akong bana ni ingon "If I met you a long time ago I would have sent you boxes of those" Pero para nako, mas na appreciate nako karon nga mi-agi ko adtong experience. Sigurado sab ko nga nakamata na akong ig-agaw karon nga unta bisan sa gagmayng butang fair ug honest siya. Kay dili lagi pareho ang panahon.

Pinobre

Kini laging nag dako ta ug pinobre nga pagkaon karon nga nia na ako sa Sacramento nag pangita gyud ko sa akong naandan. Na agwanta ra man unta to pero karon nga buros ko pwerte gyud nakong pangita sa akong gidak-an nga pagkaon binisaya, utan.
Unang gi panamkonan, tortang talong. Dayon adobong sitaw. Karon nangita ug bulad pinikas. Naningkamot ko ug kalimot kay dili gyud ko gusto mo palit ug buwad kay ang akong bana nga kano mag suka unya sa baho. Hantod nga nag damgo intawon ko nga nag kaon ko ug bulad. Wala maka agwanta namerkado sa Seafood City. Nakakita hinoon ko ug bulad nga dangit! Ay nag palit ko ug duha ka putos dayon utan. Sitaw, talong, okra uy naa sab silay kalamungay! Pag ka nindot!

Kagabii nag bas-oy ko subakan ug bulad dangit. Dili noon perfect kay walay bitsin walay kamatis ug sibuyas. Pero pwede na! Unyang hapon mag palit ko ug bitsin, kamatis ug sibuyas ug mag luto na sab ug bas-oy.

Aguy bisayang dako gyud ni akong anak!

Damak

Ngano man gyud nga naa may mga tawo nga damak! Damak, kana bang murag baboy dili kabalo mang limpyo. Ambot lang kay nag dako ko nga ang akong ginikanan pwerte ka hindikan. Mag collapse gyud akong inahan kung maka simhot ug baho nga ilok.

Sa akong obserbasyon ang Pilipino gyud tinood ang pina ka hindikan sa tanang lahi. Pero dili gihapon ko kasabot nganong naay tawong dili mag worry ug wala siya maayo ug limpyo. For example, maligo lagi dili man manabon! Okay, nahangyo na nanabon ko no, nag agas ang tubig uban sa sabon, abir gi unsa pag absorve sa lawas kung mao na? Common sense ra man unta na. Dili apilon ug sabon ang likod ug ang tiil, dilib sab mang kuskos. Pag ka luod. Mag butang ug shampoo wala abti ug isa ka minuto gi was wasan na wala pud kuskosa. Maka ingon gyud ko gi unsa ug tudlo sa inanan? Insakto gyud akong Mama pag ingon niya ang behavior sa anak reflection sa ginikanan.

Kung akoy Nanay maulaw gyud ko kaayo akong anak damak! Kung ako mismo damak mo ingon gyud ko bogo ko. Pero siempre ang mga damak kay bogo man wala sila nahibalo. Nag sakit ako dughan. Daghang damak diri sa America. Ang mga hapon pwerte manguskos sa ilang lawas. Kung walay kaugalingong banyo mag bisiklita mag bayad sa public nga sento para maligo ug manguskos ug ayo. Ang amerkano naa sa ilang tungod ang shower di gihapon manguskos. Tudloan nimo gahi pa ug ulo. Para ra man unta nga dili sila manimaho yikes! Gisapot na sab ko! Obvious ba?

Dili hinoon ko mo ingon nga sa lahi murag sa batasan gyud na sa tawo

Gisapot Ko

Ang akong bag-ong miga diri sa Sacramento medyo biya sa technology kay naaksidente man sya mga 10-15 years ago busa dili pa sya kabalo mo gamit ug computer ug wala siyay mga gamit nga bag-o. Sample, wala syay DVD player, vhs iya gamit ug karon pa siya maghimo ug email address. Ako ni gi explain para makasabot ang nagbasa kung nganong in ana siya. Na busy man gud sya ug therapy ug miagi pa siya ug comma so medyo lisod gyud.

Anyways okay na siya karon ug gusto sya mangita ug trabaho so ako siya gitabangan pag himo sa iya resume. Ako gi encode sa computer iya data in a simple layout. Aguy kay nahuman na siempre naa sya correction. Naghimo ko ug medyo modern nga layout, block, aligned sa left. Naa iya experience, qualifications ug educational background. Karon nanawag ako bana so ako gi tubag ang telephono. Ang ako bag-ong miga gi kubian ang file. Gibutangan ug mga asteris (*) and mga sinugdanan sa iyang qualifications, gi pang irog ang indentions ang kapait ra ba kay ang gigamit space tab dili ang indention tab. Karon wala pa sya makontento kay nadugay ko estorya sa ako bana iya pang gi pang butangan tanan statements ug period ug daghang comma. Bisan ug sige ko senyas nga ayaw hilabti wala mo hunong.

Salamat ug nahuman na ko sa telepono ako gi pangutana dayon sya nganong naay asteris (*) ang iya mga qualifications. Ang iya rason? para kuno dali makit-an! Una, naa sa first paragraph iyang qualifications nganong dili man kuno makit an bi? Ako gi pangutana nganong iyang gi pang butangan ug spaces ang mga job title experience as indentions (naghiwi na hinoon ang alignment) niya nga wala na noon ma align? Para daw makit-an nga nag lahi. Siempre ang computer wa makasabot sa iyang plano nag puro green. Kabawo bitaw mo anang linya nga green below sa phrase or words kung wa ma mao ang grammar? puno ana ang iyang resume.

Ako gi explain nga block ang design so kinanghalan alligned sa left. Wala mo sugot. Know it all daw ko wa daw sya paki sa formats mao daw na iya gusto. Ingon pa siya ug naay mangutana ngano in ani iya resume ako kunoy naghimo! Ingon ko akoy nag-type pero ikaw nagbuot si imo ra na wa koy labot.

Karon nag reklamo nganong naay green ako gi ingnan kay wa kasabot ang computer sa imo plano...ni ingon hinoon "the computer is supposed to be there for me to use" bitaw wa lang mo mag kasinabot!

Sige sya edit pang butang period ug semi colon mao man na iya favorite colpunctation, semi colon. Ingon siya dayon correction ba? Tudloi ko...ingon ko ay malisod kay gi tudloan ka imo ko gitawag ug know it all... mao man kaha na imo gusto di pa uyanan taka kay imo ra ba na resume. Pero ayaw ko insultuha ayaw sab insultoha ang computer kay wala ra ba ka kabalo sa iya language. The computer can function well but it has its terms, its language.

Ayha pa siya nakasabot ug iya na pud gusto ipa allign nako iya resume isa isa! Iya ko gisugo pag pa butang ug 2 spaces indention kada isa. Ako gi agwanta instead of using tabs nga dali ra unya karon iya na pud gi pa usab balik sa left block allignment...ambot sa langaw!

Maayo na lang kay nag sorry pag ka human. Ingon sya, "you are pissed with me" ingon ko, "a little..." tapos maayo na amo boot sab. Kinanghalan ko mag pasensya kay wala siya makasabot unsay iyang gi request ang ako lang unta dili mang insulto kay na sapoton ra ba dayon ko.

Ding-Dongs

Murag pagkaon na sab ni ako post karon so kung nag diet ka dili ni maayo para nimo. Nag warning na ko daan ha para walay mahay.

Ang akong bana nga pwerte ka tamili nag palit ug isa ka box nga Ding-Dongs. Lami gyud kaayo! Para man unta na sa iya dessert kada lunch pero ang iyang ig-agaw nga tig bisita nako ug ako nag sige ug kalingaw ug kuot ug karon pag sil-ip nako isa nalay nahibilin. Wa na mangita unya ni sya dili pa ra ba ko kabalo mo drive para mo palit ug laing isa ka box para ipuli.

Nanawag noon sya karon lang gyung break niya ako sya gui ingnan nga nag crave ko sa Ding-Dongs ingon sya ako na daw walay problema. Ingon sya pwede nako kaunon dayon bisan nag estorya pa mi, of course ako gikaon dayon pwerteng lami-a! Maayo na lang kay ang iyang ig-agaw nitawag human namo estorya sa ako bana, iya kuno ko dalhan ug isa ka putos ugma puli sa isa ka box nga amo nahurot.

Ako gui tan-aw ug ayo ang box kay basi pwede ko kapadala sa ako manghod pa door to door sa Pilipinas puhon, ana man gyud nang pinoy diba?

Lain pay ato akong gisulayan ang Chicken Hot Pie ganihang pani-udto by microwave dili pareha kalami sa gui bake by oven by 30 minutes uy!

Kining Mga Kano

Gigutom kaayo ko kay wa gyud koy laing gibuhat sukad sa akong pagmata kung di mag basa-basa aning mga blogs diri. Lingaw baya kaayo ko, medyo nakatabang ra kay sakit kaayo akong tiyan ug likod. Wala na ko kakupugong ni bisita ko sa akong refrigerator kung naa bay madali-dali lutoon.

Agoy nakit-an nako ang hot pie boxes nga among gipalit ug ako gikuha ug gibasa dayon ang instructions....

Conventional or Oven Toaster

• Preheat oven to 400 degrees F
• Cut a slit in top crust
• Place pie on cookie sheet or baking tray
• Bake in center of conventional oven 30-35 minutes until golden brown
• Let stand for 5 minutes before serving

Treynta minutos! Abi ko ba to ug instant meal mao bitaw nga gipalit namo for emergencies. Pero ako nalang gi agwanta. Nag kurog ako kamot nag sige edit ani ako bag-o blog kay gutom na lagi.

Naluto ra sa kadugayan. Lami baya gyud hinoon ug nagkurog ako kamot sige hungit, sige tan-aw sa blogspot kay wa man lain lingaw. Taud-taud ni tawag ako bana. Ako sya gi storyahan nga dugay kaayo lutoon ang amo gipalit "for emergency" nga hot pie. Iya man hinoon ko gitaw-an, i-microwave ra daw to. Nag insist ko nga nag sunod ra ko sa instructions. Nikatawa ug samot, sunod i-microwave lang daw lagi ug 3-4 minutes. Hala sige!